الله واكبر ماحلى نظرة العشق
اللي تجي مابين عاشق ومعشوق
نظرة غلى تشلع كما شلعة البرق
وسهومها تسطي على كل معلوق
بالخص لاصار النظر بينهم سرق
والعشق توه مادرى فيه مخلوق
تذبل غصوناً بالثرى مالها عرق
ولا ينتعش قلباً بلا دم وعروق
ياللي حرقتي خافقي بالهوى حرق
وشلون ابحياوخافقي منك محروق
ياللي جمالك عن جميع البشر فرق
بالشكل والمبدى والاحساس والذوق
سرياجنوني في خيال الهوى وارق
طالع خيال اللي يهيمون من فوق
طب الكواكب كلها بالسما وانق
وابعد عن اللي بين الاقدام مدقوق
للنادر المجمول والرايق اللبق
اللي به احساسي مشبق ومشبوق
ملمومة الحدين ممشوقة العنق
واللي بقى ما بين مثني و مطلوق
رف الخفوق لجيّته رفّة الورق
جاني وانا قبله كذا جابني شوق
ماشفت مثله لاشمالاً ولا شرق
مالاح بعيوني من الطرف للموق
نفذتله امرين نسخ ومعه لصق
واصبح كذا بين الشرايين ملصوق
بالمختصر يعني كذا اخر العشق
مع احترامي لكل عاشق ومعشوق
فايزالخشيف
موضوع: نظرة العشق 
الأحد مارس 04, 2012 11:20 am
