مواقف غرايب حدثت بالفعل بس جامد طحن

مره، كنت فى مزرعه بتاعه ابو واحد صاحبى، صاحبى قالى خليك دقيقه و راجعلك، قولتلو ماشى و فضلت واقف مكانى مستنيه، فجأه حسيت بهزه بسيطه فى الارض، بصيت ورايا لقيت جاموستين بيجرو عليا
****************
مره، كنت ماشي انا و صاحبي، صاحبي ده حريقه سجاير، المهم كان عايز يشتري سجاير لقي كشك صغير، راح عشان يتشري السجاير لقي راجل كبير و عمال يضرب واد صغير و يقوله لو شفتك بتشرب سجاير تانى انا هاربطك في الكشك و اسيبك اليوم كله من غير اكل، صاحبى شاف الموقف قال للراجل عايز بربع جنيه لبان،
****************
مره، فى الكليه كنت قاعد مع صحابي فى الكافيتيريا، كنا لسه جداد منعرفش الدكاترة، المهم لقينا واحد نازل من مبنى القسم بتاعنا على عكازين و ماشي بصعوبة، لما قرب نحيتنا وقع منه عكاز، واحد صاحبى خدته الشهامة و راح ناوله العكاز، لقينا الراجل بعد ما خد العكاز سأل صاحبي على اسمه و القسم بتاعه، قلنا خير يمكن يكون دكتور و ينجحه فى المادة بتاعته، لقينا الراجل خد منه الكارنيه و قاله على بيتك يا روح امك انتا شايفني عاااااااجز؟، الراجل طلع نائب العميد و الواد شال السنة كلها
*****************
النهارده، كنت راكب عربيتي و نازل رايح الشغل الصبح، و انا ماشي في الطريق لقيت حادثه فا نزلت اشوفها، رجعت لقيت كاسيت العربيه و المفاتيح و ورق الشغل مش موجود، سألت البواب مشفتش حد دخل العربيه؟ رد قالي يا بيه مانتا لسه مديني 20 جنيه و قولتلي تعالي فك معايا التسجيل
******************
مره، كنت مسافر اسكندريه فى مشوار مهم وضرورى و كنت مستعجل اوى و اليوم الى كنت مسافر فيه اتأخرت على الاتوبيس و الميعاد فاتنى 10 دقاق، من لهفتى اعدت اجرى و لحقته على بوابة الموقف و ركبت، بعد ساعتين اكتشفت ان الاتوبيس ده رايح الغردقه
*******************
مره، كنت ماشيه انا و بنت خالتى فى المنيا، كنا بنتكلم على الشباب اللى بيضربو بنات و يطلعو يجرو، فبقولها على فكره بلدنا هنا آمنه و محدش بيعمل كده هنا، قالتى اه صحيح شكله كده، و لسه مخلصتش الكلمه لقيت واحد جه ضربها و جرى
*******************
مره، كنت ماشى فى الشارع لقيت بنت منقبه بتسأل راجل على الساعه، الراجل طلع الموبايل و بيقولها الساعه، قامت بنت بتجرى تبع المنقبه خبطت فى الراجل وقعت الموبايل و خدوه و جريو، طبعا انا البطل اللى واقف و الشارع هادى مفيش حد، جريت ورا البنت و مسكتها، لقيتها رمت نفسها فى حضنى و صوتت و لمت الناس و قعدت تعيط و تقول حرام عليك دا انا منقبه و معندكش اخوات بنات و الكلام دا، لقيت الناس كلها اتلمت عليا و اتضربت بالاقلام
******************
انهارده، كنت راكب عربية وكان راكب جنبى واحد اول ما شفنى قالى احمد حمودة قلتله لا انا اسمى محمد قالى لا انت احمد حمودة قلتله ياعم والله اسمى محمد ودفعلى الاجرة والناس اللى ف العربية قاعدة فاتحة بقها قالى انت احمد حمودة و بتنفضلى وانت مش عارف، ايه اخر ما زهقت قلتله انا احمد حمودة وبنفضلك، بالصدفة نزلنا ف نفس الحتة وهو ما صدق وقال لازم تيجى معايا وانا اتخنقت ع الاخر لحد ما لقيت ابن خالتى قابلنا و قالى ازيك يا محمد، الراجل بصلى كده و قاله ده ابن اختى، الواد قاله ده ابن اختك مين ده ابن خالتى
******************
النهارده، اشتريت كارت شحن و دخلته و كله تمام، بعدها بتصل باخويا لقيت بيقولى عفوا لقد نفذ رصيدكم يرجى اعاده شحن البطاقه،
******************
النهارده، قولت لابويا انى عايز اتقدم و اخطب البنت اللى بحبها، لقيتو بصلي و قالي بس كده؟ و راح شادد الكرسي و حطو فى نص الاوضه، و قالى اقف ع الكرسى و اخطب زى مانتا عايز و انا هسمعك
******************
النهارده، ماما دخلت عليا الاوضه و انا نايمه و فتحت الشباك و النور و اعدت تصووت و تقول اصحححى، صحيت مفزوعه من النوم قولتلها فيه اااايه؟ قالتلى الساعه 7 قومى بسرعه عشان تلحقى الامتحان، قولتلها امتحان ايه يا ماما انا خلصت كليه السنه اللى فاتت، راحت سكتت دقيقه و قالت شكلى كنت بحلم ارجعى نامى انتى و مشيت،
*******************
النهارده، التليفون رن و المفروض كل مره انا اللي برد، لكن ابويا المره ده حب يتفزلك و رد و ياريتو ما رد، راح صاحبي افتكرني ان انا اللي رديت و قال ازيك يا ابن الكلب فا ابويا قاله طب لحظه، و صحاني من النوم قالي كلم صاحبك، بعد ما كلمته دخلت انام، لقيت قلم نزل علي قفايا، قالي انا صاحبك يقولي يا ابن الكلب؟،
******************
النهارده، كنت فى الشارع و جه راجل عنده بتاع 55 سنه قالى الساعه لو سمحت قلتلو11 و نص، قالي لا ما تجيش 11 ونص هات ابص كده، بص فى الموبايل وهوا في ايدى، و فجأه خده وطلع يجرى
*******************
مره، كنت سايق العربيه مع واحد صحبي فا عدى من جنبنا واحد بموتسيكل، فا انا خبطو من غير قصد وهو دبببببب في الارض، راح الراجل قام من ع الارض و مشى ناحيه صاحبي وفتح الباب و عجن صاحبي ضرب،
********************
مره، كنت مع واحد صاحبي اكبر مني ورايح معاه التجنيد وهاياخد اعفاء عشان معندوش اخوات رجاله المهم كنا معانا العربيه وعاملين حسابنا هانخرج ونهيص وكده وهناك وقفنا قدام الكمبيوتر الراجل قال لصاحبي انت متأكد انك معندكش اخوات ولاد يابني قالوا اه الراجل قالوا خد ديه ابوك متجوز مرتين و عنده اربع ولاد رجاله و ابوه ميت
*********************
مره، لما كنت في تالته أعدادي، كنت بحب واحده معايا في الدرس جدا بس مكنتش قادر اقولها الكلام ده لأني كنت شايفها مؤدبه اوى علي الرغم من ان صاحبي اللي معايا في الدرس كان بيقولي يابني البت عنيها منك والله روح كلمها بس، المهم علي اخر السنه كنت قررت اني اكلمها ولما قررت صاحبي قالي بلاش احسن قولتله ليه قالي مش هتلاقيها في الدرس لأنها امبارح اتمسكت مع واحد احنا نعرفه في جنينه و كانوا في اوضاع مخله،
*********************
مرة كان واحد صاحبي كان بيشاور لنت في مدرسة البنات الجنبنا واحنا كنا في الحوش المهم اعد شورها ويقولها النهاردة الساعة كام فين روحت انا جيت من وراة وشددلو البنطلون