كبسة لحم روعه ولذيذه

كبسة لحم لذيذه وسهله

المقـــــــــــــــــــادير ...

لحم مقطع او نص كامل

ملح

اجينامتو ( ملح صيني )

فلفل أســـود

كركم (هرد)

مويه

لون طعام

مقادير الرز.......

بصله كبيره

3 فصوص ثوم

3 فلفل حار

بهارات صحيحه ( قرفه _ قرنفل _ هيل _ ورق غار اجيناموتو )

زيت

الطريقه اول شي نغسل اللحمه

نوزع اللحم بالصينيه

بهارات اللحمه

نرش اللحم بشوية فلفل اسود او ابيض .... وبعدين بالاجيناموتو .... وبعدين بالملح

وبعدين نحط شوية كركم في كاس مويه مع شوي لون طعام

وبعدين نمسح فيها وجه اللحمه

وبعد كذا نصب شوي مويه يعني فنجال شاهي مويه بالصينه

وبعدين نغلفها بالقصدير زين ونحطها بالفرن ونعلي عليها النار تحتاج ساعتين بالفرن الكهرباء

قبل لا تخلص اللحمه بنص ساعه نبداء نسوي الرز

نغسل الرز وانا مااحب انقعه يتكسر علي

احط بالقدر الزيت والبهارات الصحيحه والاجي والثوم والبصل والفلفل

ونحمسه لين تطلع ريحة البهارات بعدها احط الرز والمويه والملح

ونغطي عليه ونخليه يستوي على نار هاديه

بهالوقت تكون اللحمه استوت نفتح القصدير وناخذ شوي من موية اللحم ونصبها على الرز

ونقلب الرز شوي

وبعدين نجهز الحمسه الاخير على الوجه

عباره عن بصل مقطع صغار وشوية جزر مبشور واحيانا احط رمان ناشف يعطي حموضه شي بسيط وطبعا تحمس لين يبل البصل والجزر ونحط عليها فلفل اسود وشوي ملح

بعد مانغرف ونحط اللحم نرشها على الوجه ونزين الصحن